នៅព្រឹកថ្ងៃអង្គារ៏ ទី៣០ មិថុនានេះ រដ្ឋសភា បានបន្តបើកសម័យប្រជុំ ពេញអង្គ ដើម្បីពិភាក្សា និងអនុម័តសេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់គ្រប់គ្រងឆ្នាំ ២០១៣ ។ កិច្ចពិភាក្សា និងអនុម័តសេចក្តីព្រាងច្បាប់នេះ ធ្វើឡើងយ៉ាងតឹងតែង ដោយសារក្រុមតំណាងរាស្រ្តរបស់គណបក្សសង្គ្រោះជាតិទាំងអស់ មិនគាំទ្រសេចក្តីព្រាងច្បាប់នេះឡើយ ដោយសំឡេងគាំទ្រ៦៧លើ១០១នៃសមាជិកដែលបានចូលរួម សេចក្តីព្រាងច្បាប់ស្តីពីកា រទូទាត់ថវិកាទូទៅរបស់រដ្ឋសម្រាប់គ្រប់គ្រងឆ្នាំ ២០១៣ នេះ មាន ៣ ជំពូក និង ១១ មាត្រា។
តំណាងរាស្រ្តបក្សប្រឆាំង លោក សម រង្ស៊ី អះអាងថា សេចក្តីព្រាងច្បាប់នេះ មិនមានតម្លាភាព ហើយធ្វើឲ្យរដ្ឋាភិបាលចាយលុយរដ្ឋខ្ជះខ្ជាយ។ រូបលោក ក៏បានស្នើឲ្យរដ្ឋាភិបាលបង្កើត ច្បាប់មួយ ឬធ្វើវិសោធនកម្មច្បាប់ថវិកាជាតិ ដែលអាចអនុញ្ញាតឲ្យរដ្ឋបាលថ្នាក់ខេត្តមានកញ្ចប់ថវិកាប្រើប្រាស់ដោយ ខ្លួនឯង ដើម្បីធានាការអភិវឌ្ឍតាមមូលដ្ឋានមានប្រសិទ្ធភាព។លោក សម រង្ស៊ី បានថ្លែងថា«ឥឡូវនេះយើងត្រូវរកមធ្យោបាយថែមទៀតឲ្យក្រុមប្រឹក្សាឃុំ សង្កាត់ ថ្នាក់មូលដ្ឋាន ថ្នាក់ស្រុកថ្នាក់ខេត្តហ្នឹង ធ្វើម៉េចឲ្យមានថវិកាលើសពីហ្នឹងអញ្ចឹងអ្វីដែលសំខាន់ គឺមិនមែនគ្រាន់តែសិទ្ធិសម្រេចតែបើអត់មានលុយ អត់មានថវិកា ក៏មិនអាចធ្វើអីបានដែរ»។