ព្រឹកថ្ងៃទី០៧កក្កដានេះ សមត្ថកិច្ច និងកងសន្តិសុខខណ្ឌប្រដាប់ដោយដំបងឆក់ និងខែល បានធ្វើការរារាំងមិនឲ្យមន្ត្រីសង្គមស៊ីវិល និងប្រជាពលរដ្ឋតវ៉ាប្រឆាំងនឹងការអនុម័តសេចក្ដីព្រាងច្បាប់ស្ដីពី សមាគម និងអង្គការមិនមែនរដ្ឋាភិបាលនោះឡើយ។កាលបិទផ្លូវរបស់សមត្ថកិច្ចចាប់ពី រង្វង់មូលសម្តេចសង្ឃ ជួន ណាត ក្បែររដ្ឋសភាជាតិ។
ទោះបីជាអាជ្ញាធរ រារាំង យ៉ាងណាក៏ដោយ ក៏ក្រុមបាតុករនៅតែជម្នះ ហែក្បួនតវ៉ាជាបន្តបន្ទាប់ ក្នុងនោះមិនមានអំពើ ហឹង្សារណាមួយកើតឡើងនោះទេ។ក្រុមបាតុករបានផ្តើម រំសាយហើយនៅម៉ោង១២ថ្ងៃត្រង់នេះ។ មន្ត្រីសង្គមស៊ីវិលបញ្ជាក់ថា មាត្រា៥ មាត្រា១០ មាត្រា១៥ មាត្រា២២ មាត្រា៣០ និងមាត្រា៣២ សុទ្ធតែជាក្តីបារម្ភខ្លាំង ដោយមាត្រា៣២នេះ បានចែងពីការផាកពិន័យធ្ងន់ធ្ងរដល់អង្គការ ឬសមាគមណាដែលមិនបានបំពេញលក្ខខណ្ឌតាមច្បាប់នោះ ហើយឈានទៅលុបឈ្មោះអង្គភាពនោះចោល។