លោក ហ៊ុន សែន៖ កម្ពុជានឹងព្រមទទួលយកជនភៀសខ្លួនបន្ថែមពីកោះណាវរូ
លោក ហ៊ុន សែន ប្រកាសថា កម្ពុជា នឹងព្រមទទួលយកជនភៀសខ្លួនបន្ថែមទៀតមកពីកោះណាវរូ (Nauru) បន្ទាប់ពីជំនួបជាមួយនឹងមន្ត្រីជាន់ខ្ពស់អន្តោប្រវេសន៍អូស្ត្រាលី កាលពីថ្ងៃទី៩ កញ្ញា។ការសម្រេចចិត្តរបស់រដ្ឋាភិបាលនេះ ក្រោយពេលរដ្ឋមន្ត្រីអន្តោប្រវេសន៍អូស្ត្រាលី លោក ភីធឺ ឌុតថុន (Peter Dutton) បានមកជួបនឹង លោក ហ៊ុន សែន ដើម្បីទាមទារប្រាក់ជំនួយស្ដីពីកិច្ចព្រមព្រៀងស្ដីពីជនអន្តោប្រវេសន៍ប្រមាណ ៥៥លានដុល្លារវិញ ក្រោយពេលទទួលបានដំណឹងថា កម្ពុជា នឹងឈប់ទទួលយកជនអន្តោប្រវេសន៍បន្ថែមទៀតពីអូស្ត្រាលី។
