ប្រធាន គ.ជ.ប ថាការជ្រើសរើសអគ្គលេខាធិការថ្មីអាចនឹងធ្វើនៅឆ្នាំក្រោយ
ប្រធានគណៈកមា្មធិការជាតិរៀបចំ ការបោះឆ្នោត(គ.ជ.ប)ឲ្យដឹងថាការជ្រើសរើសអគ្គលេខាថ្មីសម្រាប់ ស្ថាប័ននេះ អាចនឹងចាប់ផ្តើមធ្វើឡើងនៅដើមឆ្នាំក្រោយ គឺបន្ទាប់ពីបញ្ចប់ឯកសារផ្លូវច្បាប់មួយចំនួន។លោក ស៊ិក ប៊ុនហុក ប្រធាន គ.ជ.ប បានបញ្ចាក់ប្រាប់អ្នកសារព័ត៌មានកាលពីថ្ងៃព្រហស្បតិ៍ថាការរៀបចំជ្រើសរើស អគ្គលេខាធិការថ្មីនឹងចាប់ផ្តើមក្រោយពេលធ្វើសមាហរណកម្មមន្ត្រីដែល កំពុងបម្រើការនៅអគ្គលេខាធិការដ្ឋានគ.ជ.ប និងអគ្គលេខាធិការដ្ឋានរបស់ស្ថាប័ននៅតាមរាជធានីខេត្ត ឲ្យទៅជាក្រមខណ្ឌមន្ត្រីរាជការ។ លោកថា៖ “ក្រៅពីធ្វើសមាហរណកម្ម ហើយ ព្រោះក្នុងសមាហរណកម្មនេះត្រូវចេញសេចក្តីសម្រេចមួយទៀត ស្តីពីភារកិច្ចនិងរចនាសម្ព័ន្ធនៃអគ្គលេខាធិការដ្ឋាន យើងដំឡើងដល់៨ ហើយមានប៉ុន្មានការិយាល័យ មានច្បាប់ណាខ្លះ បានយើងសមាហរណកម្មបញ្ចូលទៅក្នុងរចនាសម្ព័ន្ធហ្នឹង”។
