លោក ហង់ ជួន ណារ៉ុន៖ លោក សម រង្ស៊ី មិនឲ្យតម្លៃការអប់រំនៅកម្ពុជា
រដ្ឋន្ត្រីក្រសួងអប់រំបានច្រានចោលការរិះគន់របស់មេដឹកនាំ គណបក្សប្រឆាំង ដែលថាគុណភាពអប់រំនៅកម្ពុជាអន់ជាទីបំផុត ហើយនិស្សិតចេញពីសាលាអត់ការងារធ្វើ ដោយសារប្រព័ន្ធអប់រំមានភាពទន់ខ្សោយ ធ្វើឲ្យបាត់បង់តម្លៃគ្រូបង្រៀននោះ។ការលើកឡើងនេះបន្ទាប់ពីចូលរួមទិវាគ្រូបង្រៀនពិភពលោក ដែលក្រសួងរៀបចំនៅថ្ងៃពុធនេះ លោក ហង់ ជួន ណារ៉ុន រដ្ឋមន្ត្រីក្រសួងអប់រំ ថ្លែងថាគុណភាពអប់រំនៅកម្ពុជាមានការវិវត្តន៍ទៅមុខយឺតដោយសារតែ កម្ពុជាធ្លាប់ឆ្លងកាត់សង្គ្រាម។ លោកបានបន្តថាថា អ្វីដែលប្រធានគណបក្សសង្គ្រោះជាតិថា គុណភាពអបរំនៅកម្ពុជាមិនល្អនោះ លោកចាត់ទុកថា ជាការមើលងាយនិងមិនឲ្យម្លៃការអប់រំនៅកម្ពុជា។
