សវនាការជំនុំជម្រះ ករណីចោទប្រកាន់សមាជិកព្រឹទ្ធសភា លោក ហុង សុខហួរ ត្រូវតុលាការពន្យារពេល
ក្រុមប្រឹក្សាជំនុំជម្រះសាលាដំបូង រាជធានីភ្នំពេញកាលពីរសៀលថ្ងៃពុធម្សិលមិញ បានសម្រេចពន្យារពេលសវនាការជំនុំជម្រះ ករណីសមាជិកព្រឹទ្ធសភាគណបក្សសម រង្ស៊ី លោក ហុង សុខហួរ ពាក់ព័ន្ធនឹងការចោទប្រកាន់ប្រើឯកសារក្លែងក្លាយ ទៅពេលក្រោយទៀត ដោយមិនកំណត់ ខណៈមេធាវីចាត់ទុកថានេះជាចេតនាមួយមិនឲ្យលោកបង្ហាញនីតិវិធី ដោះបន្ទុក។ក្រោយពេលសវនាការ លោក ជួង ជូងី មេធាវីការពារក្តី លោក ហុង សុខហួរ មានប្រសាសន៍ថាលោកមានភស្តុតាងដោះបន្ទុក នៅលើប្រព័ន្ធអ៊ិនធើណែតដែលលោកចាត់ទុកថាជាភស្តុតាងមួយមាំនិង បង្ហាញថាកូនក្តីរបស់លោកស្អាតស្អំ ប៉ុន្តែលោកថាតុលាការមិនបានផ្តល់ឱកាសសម្រាប់រូបលោកក្នុងការ បង្ហាញនីតិវិធីដោះបន្ទុកកូនក្តីរបស់លោកនោះទេ។
