ប្រជាពលរដ្ឋរស់នៅប្រទេសបារាំងបាតុកម្មទាមទារឲ្យលោក ហ៊ុន សែន ចុះចេញពីតំណែង
ប្រជាពលរដ្ឋខ្មែររស់នៅប្រទេសបារាំងប្រមាណ១០០នាក់ ប្រមូលផ្តុំគ្នានៅមុខ ទូអេហ្វែល ស្ថិតនៅទីក្រុងប៉ារីស ប្រទេសបារាំង ទាមទារឲ្យលោក ហ៊ុន សែន ចុះចេញពីតំណែង ខណៈលោកទៅទស្សនៈកិច្ចផ្លូវការនៅប្រទេសនេះ។ក្នុងវីដេអូឃ្លីបរយៈពេលជាង៣នាទី នៅលើបណ្តាញសង្គមហ្វេសប៊ុករបស់លោក អ៊ុំ សំអានតំណាងរាស្ត្រគណបក្សសង្គ្រោះជាតិ ដែលបានបង្ហោះកាលពីថ្ងៃទី២៤ ខែតុលាបានឲ្យដឹងថា ប្រជាពលរដ្ឋខ្មែររស់នៅប្រទេសបារាំងបានហែក្បួនដើរជុំវិញទូអេ ហ្វែល ស្ថិតនៅទីក្រុងប៉ារីស ប្រទេសបារាំង នៅគ្រានោះមានតំណាងម្នាក់និយាយតាមឧង្ឃោសស័ព្ទថា សូមឲ្យលោកនាយករដ្ឋមន្ត្រីហ៊ុន សែន ចុះចេញពីតំណែង។
