ពលរដ្ឋប្រមាណជាង១០០០នាក់ទាមទារឱ្យលោក កឹម សុខា ចុះចេញពីតំណែងអនុប្រធានសភា
ពលរដ្ឋមកពីខណ្ឌនានាក្នុងរាជធានី ភ្នំពេញ ជាង១០០០នាក់ បានប្រមូលផ្ដុំគ្នានៅខាងមុខមន្ទីររដ្ឋសភាទាមទារឱ្យលោក កឹមសុខា ចុះចេញពីតំណែងអនុប្រធានរដ្ឋសភា ដោយ ក្រុមបាតុករចោទថា បានដើរញុះញុងពលរដ្ឋឱ្យស្អប់ខ្ពើមរដ្ឋាភិបាល និងបង្កអសន្តិសុខ។យោងតាមប្រភព ដែលបានចុះស្រង់ព្រឹត្តិការណ៍នេះបានឱ្យដឹងថា ក្រុមបាតុករទាំងនោះមកពីខណ្ឌនានាក្នុងរាជធានីភ្នំពេញ ដោយមានការដឹងជញ្ចូនតាមឡាន ជាច្រើនគ្រឿងដោយមានរបៀបរៀបរយ។ ក្នុងការតវ៉ានោះ មានការលើកបដាជាច្រើន ដោយសរសេរ និងមានន័យដូចនេះថា៖ "យើងត្រូវការរក្សាសន្តិភាព ស្ថិរភាព សន្តិសុខល្អប្រសើរដូចសព្វថ្ងៃ ហើយ លោក កឹម សុខា ត្រូវចុះចេញពីតំណែងអនុប្រធានរដ្ឋសភាជាបន្ទាន់"។
