លោក កឹម សុខា ៖ សមត្ថកិច្ចមិនអើពើពីសុវត្ថិភាពរបស់លោកនិងក្រុមគ្រួសារ
លោក កឹម សុខា អនុប្រធានគណបក្ស សង្រ្គោះជាតិនិងជាអនុប្រធានទី១នៃរដ្ឋសភា បានអះអាងថាសមត្ថកិច្ចមិនបានអើពើធានាសុវត្ថិភាព រូបលោកនិងក្រុមគ្រួសារ ករណីបាតុកម្មទាមទារឲ្យលោកចុះចេញពីតំណែង ដោយលោកថាបើទោះជាមានការសុំអន្តរាគមន៍ក៏ដោយ។លោក កឹម សុខា បានសរសេរនៅលើហ្វេសប៊ុករបស់លោកនៅម៉ោងជាង១២យប់ចូលថ្ងៃអង្គារថា៖ “កាលពីថ្ងៃទី២៦ តុលា ២០១៥នេះ ជនពាលមួយក្រុមបានមកពទ្ធ័គេហដ្ឋានរបស់ខ្ញុំ ហើយបានប្រើអំពើហិង្សាដោយមានការគប់ដំថ្មចូលក្នុងរបងផ្ទះខ្ញុំ បណ្តាលឲ្យភរិយារបស់ខ្ញុំត្រូវជាប់ក្នុងផ្ទះអស់រយៈពេល៦ម៉ោង ដោយពុំមានការជួយអន្តរាគមន៍ពីសមត្ថកិច្ច ទោះជាមានការស្នើសុំពីសំណាក់យើងខ្ញុំក៏ដោយ”។
