លោក សម រង្ស៊ី ចោទលោក ហ៊ុន សែន ថាប្រើអំពើហិង្សា ដើម្បីបង្អាក់ដំណើរការបោះឆ្នោត
លោក សម រង្ស៊ី ប្រធានគណបក្សសង្រ្គោះជាតិ បានចាត់ទុកថាបាតុកម្មនិងការប្រើអំពើហិង្សាមកលើតំណាងរាស្រ្តគណបក្ស សង្រ្គោះជាតិជាយុទ្ធសាស្រ្តមួយរបស់លោកនាយករដ្ឋមន្រ្តីហ៊ុន សែន ក្នុងការបន្តកាន់អំណាច តាមរយៈការបង្អាក់ដំណើរការបោះឆ្នោតនៅកម្ពុជា។លោក សម រង្ស៊ី ដែលកំពុងស្នាក់នៅប្រទេសបារាំង បានលើកឡើងបែបនេះនៅលើទំព័រហ្វេសប៊ុកផ្លូវការរបស់លោក ជាការឆ្លើយតបនឹងបាតុកម្មទាមទារឲ្យរដ្ឋសភាទម្លាក់លោក កឹម សុខា ពីអនុប្រធានទី១នៃរដ្ឋសភានិងការផ្ទុះហិង្សាមកលើតំណាងរាស្រ្តរបស់គណបក្សសង្រ្គោះជាតិ។
