លោកផៃ ស៊ីផាន ថាការអំពាវនាវរបស់ស្ថានទូតសហរដ្ឋអាមេរិកបង្ហាញនូវភាពក្រអឺតក្រទម
ឆ្លើយតបនិងសេចក្តីអំពាវនាវប្រតិកម្មរបស់ស្ថានទូតសហរដ្ឋអាមេរិក អំពាវនាវឲ្យអាជ្ញាធរស៊ើបអង្កេតឲ្យបានពេញលេញលើករណីបង្កអំពើហិង្សា លើតំណាងរាស្ត្រ និងរក្សារបៀបរៀបរយនៅរដ្ឋសភាជាតិ ធានាសុវត្ថិភាពរបស់អ្នកនយោបាយពីគ្រប់គណបក្សទាំងអស់នោះ លោកផៃ ស៊ីផាន អ្នកនាំពាក្យទីស្ដីការគណៈរដ្ឋមន្ត្រីយល់ឃើញថា គឺជាប្រតិកម្មមួយដែលញាំងឲ្យករណីនេះមានភាពស្មុគស្មាញលើសដើម។ យោងតាមប្រភពបាបនឲ្យដឹងថា លោកផៃ ស៊ីផាន ជឿជាក់ថាសេចក្តីអំពាវនាវនេះ មានទិដ្ឋភាពជាការបង្គាប់បញ្ជាដល់សមត្ថកិច្ចពាក់ព័ន្ធរាប់ទាំង សភាជាតិផងដែរ។
