លោក គង់ សភា ៖ សូមកុំមានវិប្បដិសារីអី ព្រោះជាកម្មរបស់ពួកអ្នកទេដែលទទួលយកមេដឹកនាំបែបអវិជ្ជា
តំណាងរាស្ត្ររបស់គណបក្សសង្គ្រោះជាតិមួយរូប ដែលត្រូវបានបុរសមួយក្រុមវាយដំនៅថ្ងៃធ្វើបាតុកម្មប្រឆាំងលោក កឹម សុខា នោះ ប្រកាសថាលោកមិនចងគំនុំនឹងជនល្មើសនោះទេ។លោក គង់ សភា តំណាងរាស្ត្ររបស់គណបក្សសង្គ្រោះជាតិ បានសរសេរលើហ្វេសប៊ុករបស់លោក កាលពីថ្ងៃទី២៧ ខែតុលានេះថា៖ “មុននឹងខ្ញុំចូលវះកាត់នៅព្រឹកស្អែកនេះ ខ្ញុំសូមប្រកាសថា មិនចងពៀជាមួយអ្នកដែលបានវ៉ៃខ្ញុំទេ” ។ លោកបន្តថា៖ “នេះជាបញ្ជារបស់អ្នកអំណាចខ្លាំងតម្រូវឱ្យធ្វើអំពើបែបនេះ តែសូមកុំមានវិប្បដិសារីអី ព្រោះជាកម្មរបស់ពួកអ្នកទេដែលទទួលយកមេដឹកនាំបែបអវិជ្ជា”។
