នៅព្រឹកថ្ងៃទី០៤ ខែវិច្ឆិកា ឆ្នាំ២០១៥នេះ តុលាការឧទ្ធរណ៍ បាននឹងកំពុងបើកសវនការលើបណ្តឹង សុំនៅក្រៅ ឃុំរបស់ លោក ហុង សុខហួរ សមាជិកព្រឹទ្ធសភាគណបក្សសមរង្ស៊ី ដែលត្រូវបានសមត្ថកិច្ចចាប់ខ្លួន ក្រោយបង្ហោះសន្ធិ សញ្ញា ព្រំដែនកម្ពុជា-វៀតណាម ក្លែងក្លាយ នៅលើបណ្តាញសង្គម។កាលពីថ្ងៃចន្ទ លោក ជួង ជូងី មេធាវីការពារក្តីឲ្យ លោក ហុង សុខហួរ បានប្រាប់ឱ្យដឹងថា លោក ហុង សុខហួរ បានត្រៀមលុយ ១០លានរៀលដើម្បីជាថ្នូរនឹង ការនៅក្រៅឃុំ នៅក្នុងការជំនុំជម្រះ នៅសាលាឧទ្ធរណ៍នៅថ្ងៃពុធនេះ ប៉ុន្តែលោកមិនទាន់ជឿជាក់នៅឡើយថា សាលាឧទ្ធរណ៍នឹងធ្វើតាមសំណើរបស់លោក។