លោក ហ៊ុន សែន៖ ការលុបចោលបុណ្យអុំទូក មិនមែនខ្លាចបាតុកម្មនោះទេ
លោក នាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានបដិសេធថាការលុបចោលបុណ្យអុំទូក មិនមែនដោយសារមានរឿងនយោបាយនៅពីក្រោយ ដោយសារខ្លាចការធ្វើបាតុកម្មរបស់អ្នកគាំទ្រគណបក្សប្រឆាំងនោះទេ។កាលពីថ្ងៃទី៣១ ខែតុលា ឆ្នាំ២០១៥ រដ្ឋាភិបាលបានចេញសារាចរស្តីពីការផ្អាកប្រារព្ធព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ ដែលនឹងត្រូវប្រារព្ធចាប់ពីថ្ងៃទី២៤ដល់ថ្ងៃទី២៦ខែវិច្ឆិកា ដោយលើកឡើងថាឆ្នាំនេះទឹកទន្លេមានកម្រិតទាបពេក ហើយកំពុងជួបប្រទះគ្រោះរាំងស្ងួត។ក្នុងពិធីសម្ពោធគម្រោងការពារទឹកជំនន់និង កែលម្អប្រព័ន្ធលូ លោកនាយករដ្ឋមន្រ្តី ហ៊ុន សែន បានថ្លែងថាការមិនប្រារព្ធពិធីបណ្យអុំទូកដែលគ្រោងធ្វើឡើងនៅថ្ងៃទី២៤ ខែវិច្ឆិកាខាងមុខ ដោយសារកម្ពស់ទឹកទាប មិនមែនដោយសាររឿងនយោបាយនៅពីក្រោយនោះទេ។
