លោក ហ៊ុន សែន ព្រមានអ្នកវិភាគនិងអ្នករិះគន់ថាកុំព្រហើន
លោក នាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានព្រមានអ្នកវិភាគនិងអ្នករិះគន់មួយចំនួនថា"កុំព្រហើននិងអត្ថាធិប្បាយ ដោយគ្មានការទទួលខុសត្រូវ" ករណីលើកឡើងថាការលុបចោលបុណ្យអុំទូក ដោយសារខ្លាចការធ្វើបាតុកម្មរបស់អ្នកគាំទ្រគណបក្សប្រឆាំង ពេលប្រជាជនឡើងមករាជធានីភ្នំពេញ។ក្នុងពិធីសម្ពោធគម្រោងការពារទឹកជំនន់និង កែលម្អប្រព័ន្ធលូ លោកនាយករដ្ឋមន្រ្តី ហ៊ុន សែន បានថ្លែងថាការមិនប្រារព្ធពិធីបណ្យអុំទូកដែលគ្រោងធ្វើឡើងនៅថ្ងៃទី២៤ ខែវិច្ឆិកាខាងមុខ ដោយសារកម្ពស់ទឹកទាប មិនមែនដោយសាររឿងនយោបាយនៅពីក្រោយនោះទេ។ លោកចាត់ទុកអ្នករិះគន់ទាំងនោះថាមិនមែនជាអ្នកទន្លេនោះទេ។ លោកបានថ្លែងបញ្ជាក់ថា៖ “…កុំលេងស្អីក៏នយោបាយនៅពីក្រោយ”។លោក ហ៊ុន សែន ក៏បានព្រមានថា៖ “សូមអ្នកវិភាគទាំងឡាយ យល់ឲ្យច្បាស់ កុំព្រហើន”
