លោក ហ៊ាង ឫទ្ធី អនុប្រធានគណបក្សសំបុកឃ្មុំសង្គមប្រជាធិបតេយ្យ បានឲ្យដឹងពីម្សិលមិញថាសាលាដំបូងរាជធានីភ្នំពេញនឹងចេញដីកាបញ្ឈប់សកម្មភាពនយោបាយគណបក្សសំបុកឃ្មុំសង្គមប្រជាធិបតេយ្យជាបណ្តោះអាសន្ននៅថ្ងៃព្រហស្បតិ៍ឆាប់ៗខាងមុខនេះ។ លោក ឫទ្ធី បាននិយាយថា៖ «ក្រឡាបញ្ជីបានប្រាប់ខ្ញុំថាចៅក្រមសាលាដំបូងនឹងចេញដីកាជូនដំណឹងនៅសប្តាហ៍នេះមុនឲ្យបញ្ឈប់សកម្មភាពរបស់គណបក្សជាបណ្តោះអាសន្ននៅទូទាំងប្រទេស»។ លោកថា៖ «នៅដំណាក់កាលនេះខ្ញុំរីករាយណាស់ហើយគោរពតាមវិធានការតុលាការព្រោះខ្ញុំមិនចង់ឲ្យបុគ្គលពុករលួយ និងប្រជាធិបតេយ្យក្លែងក្លាយបោកប្រាស់ប្រជាពលរដ្ឋខ្មែរព្រោះប្រទេសកម្ពុជាស្ថិតក្រោមអំណាចផ្តាច់ការ»។