គណបក្សប្រជាធិបតេយ្យមូលដ្ឋានប្រកាសធ្វើសមាជដើម្បីផ្លាស់ប្តូរថ្នាក់ដឹកនាំថ្មី
នៅពេលបច្ចុប្បន្ននេះ គណបក្សប្រជាធិបតេយ្យមូលដ្ឋាន កំពុងតែបណ្តោះបណ្តាល និងពង្រឹងតាមឃុំ ដើម្បីពន្យល់ថ្នាក់ដឹកនាំនៅតាមមូលដ្ឋាន ហើយមកដល់ពេលនេះយើងពង្រឹងបានចំនួន១០៩ឃុំហើយ សកម្មភាពនេះយើងនៅតែបន្តទៅមុខទៀត។ នេះជាការអះអាងរបស់លោកសាម អ៊ីន អ្នកនាំពាក្យគណបក្សប្រជាធិបតេយ្យមូលដ្ឋាន។ លោកសាម អ៊ីន បានឲ្យដឹងនៅព្រឹកថ្ងៃអង្គារ៍នេះថា បើតាមគម្រោងរបស់គណបក្សមូលដ្ឋានប្រជាធិបតេយ្យ នៅដើមឆ្នាំ២០១៦ខាងមុខនេះ គណបក្សនឹងធ្វើសមាជរបស់គណបក្ស ដើម្បីរៀបចំរចនាសម្ព័ន្ធ និងជ្រើសរើសថ្នាក់ដឹកនាំគណបក្សថ្មី ហើយនិងត្រៀមរៀបចំចុះឈ្មោះទៅកាន់ក្រសួង មហាផ្ទៃជាលើកទីពីរផងដែរ។
