លោក ហ៊ុន សែន ព្រមានចាត់វិធានការផ្លូវច្បាប់លើលោក សម រង្ស៊ី ករណីថាលោកមានបំណងបង្អាក់ការបោះឆ្នោត
លោកនាយករដ្ឋមន្រ្តី ហ៊ុន សែន បានព្រមានលោក សម រង្ស៊ី ប្រធានគណបក្សសង្រ្គោះជាតិ ថាពិនិត្យមើលទិដ្ឋភាពផ្លូវច្បាប់ ករណីដែលលោក សម រង្ស៊ី បានថ្លែងថាលោក ហ៊ុន សែន មានបំណងបង្អាក់ការបោះឆ្នោតនៅឆ្នាំ២០១៨។លោក ហ៊ុន សែន បានថ្លែងបែបនេះតាមរយៈការផ្សាយផ្ទាល់នៅលើទំព័រហ្វេសប៊ុក កាលពីរសៀលថ្ងៃព្រហស្បតិ៍ម្សិលមិញ។ ការលើកឡើងរបស់លោក ហ៊ុន សែន ធ្វើឡើងបន្ទាប់ពីលោកបានហៅលោក សម រង្ស៊ី ថាជា”កូនអាក្បត់ជាតិ”។ លោក សម រង្ស៊ី បានឆ្លើយតបថាអ្នកនយោបាយត្រូវមានសុជីវធម៌។
