លោក សម រង្ស៊ី ៖ ការចេញដីកាឲ្យចាប់ខ្លួនរូបលោក មកពីអ្នកដឹកនាំផ្តាច់ការសេសសល់ក្នុងទ្វីបអាស៊ីខ្លាចចាញ់ឆ្នោតដូច នៅភូមា
មេដឹកនាំគណបក្សប្រឆាំងយល់ថាករណីសាលាដំបូងរាជធានីភ្នំពេញចេញដីកា បង្គាប់ឲ្យចាប់ខ្លួនរូបលោក បណ្តាលមកពីអ្នកដឹកនាំផ្តាច់ការមួយចំនួនដែលនៅសេសសល់ក្នុងតំបន់ ទ្វីបអាស៊ី មានភាពតក់ស្លុត ដោយសារបក្សប្រឆាំងនៅប្រទេសភូមាឈ្នះឆ្នោតនិងជាគំរូនៃ ការផ្លាស់ប្តូរនៅកម្ពុជា។
គេហទំព័រហ្វេសប៊ុករបស់លោក សម រង្ស៊ី ចុះផ្សាយកាលពីថ្ងៃសៅរិ៍ មានខ្លឹមសារថា ព្រឹត្តការណ៍ចុងក្រោយបំផុតនៅប្រទេសកម្ពុជា ក្នុងនោះ មានទាំងដីកាបង្គាប់ឲ្យចាប់ខ្លួនលោកបង្ហាញឲ្យឃើញថា គឺអាចពាក់ព័ន្ធព្រឹត្តិការណ៍នយោបាយនៅក្នុងប្រទេសភូមា។ លោក៖ “ចរន្ត នយោបាយនាំមកនូវសេរីភាព ដែលគ្មាននរណាអាចទប់ស្កាត់បាន ហើយកំពុងតែរីករាលដាលទូទាំងពិភពលោក ធ្វើឲ្យរបបផ្តាច់ការដួលរលំម្តងមួយៗ ចរន្តននេះក៏នឹងឈានមកដល់ប្រទេសកម្ពុជាដែរ ក្នុងពេលឆាប់ៗ ខាងមុខនេះៗ”។
