សភាអឺរ៉ុបនឹងចាត់វិធានការលុបចោលជំនួយមកកម្ពុជាជិត៤៥០លានដុល្លារបើលោក សម រង្ស៊ី មិនអាចវិលចូលស្រុកបាន
សមាជិកសភាសហភាពអឺរ៉ុបចំនួនលើសលុបបានអនុម័តនូវវិធានការមួយជាដំណោះ ស្រាយព្រមានលុបចោលជំនួយសម្រាប់កម្ពុជានូវទឹកប្រាក់៤៣៥លានដុល្លារអាមេរិក ប្រសិនបើលោក សម រង្ស៊ី មិនអាចវិលមកធ្វើនយោបាយនៅកម្ពុជាវិញ។ការព្រមានរបស់សភាសហភាពអឺរ៉ុបធ្វើឡើងមួយថ្ងៃនៅពេលដែលសភាពិភពលោក មួយនេះក៏បានអនុ ម័តដំណោះស្រាយលេខ២៩៦៩ទាមទារឱ្យរដ្ឋាភិបាលកម្ពុជាលុបចោលបទចោទ ទាំងឡាយណាដែលប្រឆាំងលោកសម រង្ស៊ី ហើយបានទាមទារផ្ដល់និតិសម្បទា បុព្វសិទ្ធ អភ័យឯកសិទ្ធសភា ជូនមេបក្សប្រឆាំងរូបនេះឡើងវិញ។ជាមួយគ្នានេះសភាសហភាពអឺរ៉ុបក៏បានទាមទារឱ្យមានលទ្ធិប្រជាធិបតេយ្យនៅកម្ពុជាឡើងវិញដោយបញ្ចប់ ការប្រើហិង្សាទៅលើគណបក្សប្រឆាំង។ ការព្រមានរបស់សភាសហភាពអឺរ៉ុបបានធ្វើឡើងកាលពីថ្ងៃម្សិលមិញ ដោយមានការអនុម័តជាដំណោះស្រាយនូវសមាជិកសភា៥៦៧គាំទ្រក្នុងចំណោម ៦៣០ក្នុងនោះ២៧សំឡេងជំទាស់និង៣៦អនុបវាទ។
