មន្ត្រីជាន់ខ្ពស់ រាជរដ្ឋាភិបាលកម្ពុជា បានប្រតិកម្មជាមួយសមាជិកសភាសហភាពអឺរ៉ុបចំនួន ដែលបានលើកឡើងពីការព្រមានលុបចោលជំនួយសម្រាប់កម្ពុជា នូវទឹកប្រាក់៤០០លានដុល្លារ ប្រសិនបើទណ្ឌិត សម រង្ស៊ី មិនអាចវិលមកធ្វើនយោបាយនៅកម្ពុជាវិញ គឺជាភាពរើសអើងមួយដែលមានលក្ខណៈរបស់ពួកអាណានិគម។លោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានមានប្រសាសន៍នៅព្រឹកថ្ងៃទី២៧ ខែវិច្ឆិកា នេះថា លោកសូមវាយតម្លៃថា ដោយសារតែសហគមន៍អឺរ៉ុបមានអ្នកនយោបាយមួយចំនួន មិនបានយល់ច្បាប់ មិនបានយល់អំពីស្ថានភាពពិតដែលកើតមាននៅកម្ពុជា គឺករណីលោកសម រង្ស៊ី ទទួលបានការសម្របសម្រួលនយោបាយចំនួន២ដង រួចមកហើយ តាមការព្រះរាជទានទោសពីព្រះមហាក្សត្រ ដូច្នេះនេះគឺជាលើកទី៣ យើងកំពុងតែពិបាកនៅក្នុងឧត្តមគតិ និងនីតិរដ្ឋ។