លោក កឹម សុខា អំពាវនាវឲ្យសកម្មជនបក្សប្រយ័ត្នប្រយែងការបញ្ចេញមតិលើហ្វេសប៊ុក
លោក កឹម សុខា ប្រធាន ស្តីទីគណបក្សសង្គ្រោះជាតិ កាលពីរសៀលថ្ងៃព្រហស្បតិ៍នេះ បានជួបជុំជាមួយសកម្មជនរបស់ខ្លួនមួយចំនួននៅរាជធានីភ្នំពេញ ដោយអំពាវនាឲ្យយុវជនរបស់គណបក្សចៀសវាងប្រើពាក្យអសុរោះនិងបញ្ចេញ ទស្សនៈណាមួយ ដែលលោកថាអាចនាំឲ្យជាប់ពាក់ព័ន្ធដល់ការចោទប្រកាន់តាមផ្លូវ ច្បាប់។លោក កឹម សុខា ថ្លែងបែបនេះនៅក្នុងកម្មវិធីជួបជុំជាមួយតំណាងយុវជនមកពី២៥រាជធានី ខេត្តប្រមាណជា២០០នាក់ក្នុងស្នាក់ការគណបក្សនៅចាក់អង្រែក្រោម។ លោកមានប្រសាសន៍ថាលោកមិនចង់ឃើញយុវជនណាម្នាក់រងទុក្ខដោយសារការ បញ្ចេញទស្សនៈនៅលើបណ្តាញសង្គមហ្វេសប៊ុកនោះទេ។
