មេធាវីការពារក្ដីថា លោក សម រង្ស៊ី មិនចូលមកតុលាការ ករណីលោក ហុង សុខហួរ ជាសិទ្ធិរបស់កូនក្តី
មេធាវីការពារក្តី ឲ្យលោក សម រង្ស៊ី ករណីបង្ហោះឯកសារពាក់ព័ន្ធនឹងព្រំដែនតាមហ្វេសប៊ុក អះអាងថាការមិនចូលមកតុលាការ ករណីអតីតសមាជិកព្រឹទ្ធសភា លោក ហុង សុខហួរ ជាសិទ្ធិរបស់កូនក្តីរបស់លោក ដោយលោកចាត់ទុកថាករណីនេះត្រូវដោះស្រាយតាមបែបននយោបាយ។មេធាវីការពារ លោក ជួង ជូងី នៅព្រឹកថ្ងៃសុក្រនេះបានឲ្យដឹងថាលោកមិនបានជម្រាបតុលាការ ពីការមិនចូលខ្លួនរបស់លោក សម រង្ស៊ី នោះទេ។ លោកបញ្ជាក់ថា៖ “អត់ចូលខ្លួន ជាសិទ្ធិរបស់គាត់។ ទុកឲ្យតុលាការគេចាត់ការតាមបច្ចេកទេសនិងនីតិវិធីរបស់គេទៅ។ វាជារឿងនយោបាយ ទុកឲ្យដោះស្រាយតាមបែបនយោបាយ”។ប្រភពប្រាប់វីអូឌី(VOD)
