បក្សទាំងពីរព្រមព្រៀងគ្នា៤ចំណុច តែមិនបានយករឿងលោក សម រង្ស៊ី និងកឹម សុខា ទៅពិភាក្សា
ក្រុមតំណាងរាស្ត្រភាគតិច និងភាគច្រើននៅក្នុងរដ្ឋសភាឲ្យដឹងថា នៅក្នុងកិច្ចប្រជុំកាលពីល្ងាចម្សិលមិញនេះ ភាគីទាំងពីរបានព្រមព្រៀងគ្នា៤ចំណុច ប៉ុន្តែមិនបានពិភាក្សាគ្នាលើករណីដកតំណែងលោក កឹម សុខា ពីអនុប្រធានទី១នៃរដ្ឋសភា និងការដកអភ័យឯកសិទ្ធិ និងការតាមចាប់ខ្លួនលោក សម រង្ស៊ី នោះទេ។ គណបក្សទាំងពីរបានជួបប្រជុំគ្នានៅវិមានរដ្ឋសភា ដើម្បីពិភាក្សារកដំណោះស្រាយបន្ថូរស្ថានភាពតានតឹងផ្នែកនយោបាយ ដោយភាគីគណបក្សប្រជាជនកម្ពុជាដឹកនាំដោយលោក ស ខេង និងភាគីគណបក្សសង្គ្រោះជាតិដឹកនាំដោយលោក កឹម សុខា។
