រដ្ឋាភិបាលអំពាវនាវឲ្យសង្គមស៊ីវិលជួយសហការទប់ស្កាត់អំពើជួញដូរមនុស្ស
ប្រមុខរាជរដ្ឋាភិបាលប្រកាសថា នឹងចាត់វិធានការដោយមិនយោគយល់ដើម្បីទប់ស្កាត់អំពើជួញដូរមនុស្ស បើទោះបីជាមានជាប់ពាក់ព័ន្ធនឹងមន្ត្រីរបស់ខ្លួនក៏ដោយ។ក្នុងទិវាជាតិប្រយុទ្ឋប្រឆាំងអំពើ ជួញដូរមនុស្ស ដែលធ្វើឡើងនៅរាជធានីភ្នំពេញកាលពីថ្ងៃទី១២ ធ្នូម្សិលមិញ លោកនាយករដ្ឋមន្ត្រី ហ៊ុន សែន បានអំពាវនាវឲ្យស្ថាប័នរដ្ឋ សង្គមស៊ីវិល អង្គការជាតិអន្តរជាតិ រូមទាំងប្រជាពលរដ្ឋរួមគ្នាប្រយុទ្ធប្រឆាំងនឹងការជួញដូរមនុស្ស ។នាយករដ្ឋមន្ត្រីព្រមានថា ក្នុងករណីរកឃើញ មន្ត្រីណាជាប់ពាក់ព័ន្ធនឹងការជួញដូរមនុស្សនេះ លោកថា សមត្ថកិច្ចនឹងចាត់វិធានការតឹងរឹងទៅតាមច្បាប់ ដើម្បីឈានទៅលុបបំបាត់ទាំងស្រុងករណីជួញដូរមនុស្សកម្ពុជា។
