គណបក្សសង្គ្រោះជាតិស្នើនគរបាលធ្វើអត្ដសញ្ញាណប័ណ្ណជូនពលរដ្ឋឲ្យទាន់ពេល
លោក កឹម សុខា ប្រធានស្តីទីគណបក្សសង្គ្រោះជាតិ បានសរសេរលើទំព័រហ្វេសប៊ុករបស់ខ្លួនថា« ព្រឹកថ្ងៃព្រហស្បតិ៍ ទី២១ ខែមករា ឆ្នាំ២០១៦នេះ ខ្ញុំបានទៅធ្វើអត្ដសញ្ញាណប័ណ្ណថ្មី នៅស្នងការដ្ឋាននរបាលរាជធានីភ្នំពេញ»។លោកបន្តថា «ឆ្លៀតក្នុងឱកាសនេះដែរ ខ្ញុំសូមអំពាវនាវដល់ប្រជាពលរដ្ឋខ្មែរ ដែលគ្រប់អាយុសម្រាប់ការធ្វើអត្ដសញ្ញាណប័ណ្ណ សូមអញ្ជើញទៅធ្វើអត្ដសញ្ញាណប័ណ្ណឲ្យបានគ្រប់ៗគ្នា ដើម្បីជាឯកសារសម្គាល់ខ្លួន ហើយជាពិសេស ជាឯកសារសម្រាប់ចុះឈ្មោះបោះឆ្នោត និងបោះឆ្នោត»។ជាមួយគ្នានេះដែរ លោកក៏សូមអំពាវនាវដល់ អស់លោក លោកស្រី នគរបាល មានភារកិច្ចធ្វើអត្ដសញ្ញាណប័ណ្ណជូនប្រជាពលរដ្ឋ សូមមេត្ដាសម្រួលដល់ប្រជាពលរដ្ឋ អាចធ្វើអត្ដសញ្ញាណប័ណ្ណនេះបានគ្រប់ៗគ្នា និងឲ្យបានទាន់ពេលវេលា៕
