លោក កឹម សុខា ៖ ពលរដ្ឋខ្មែរយល់ដឹងពីលទ្ធិប្រជាធិបតេយ្យមិនចាញ់ពលរដ្ឋភូមា
មេដឹកនាំបក្សប្រឆាំងកាលពីថ្ងៃសៅរ៍នេះ បានលើកទឹកចិត្តដល់អ្នកគាំទ្រខ្លួន នៅខេត្តសៀមរាបថា ពលរដ្ឋខ្មែរបច្ចុប្បន្ននេះ បានយល់ដឹងពីលទ្ធិប្រជាធិបតេយ្យ មិនចាញ់ពលរដ្ឋភូមាឡើយ។នៅពេលថ្មីៗ នៅភូមាបានបោះឆ្នោតឲ្យគណបក្សសម្ព័ន្ធជាតិប្រជាធិបតេយ្យ របស់លោកស្រី អ៊ុង សានសូជី ដែលជាបក្សប្រឆាំងប្រកាន់លទ្ធិប្រជាធិបត្យេ ឈ្នះបក្សកាន់អំណាច បែបយោធានិយម របស់លោក ថេន សេន ។ក្នុងពិធីចុះជួបសម្មជន និងពលរដ្ឋមួយចំនួន សង្កាត់ស្វាយដង្គំ ក្រុងសៀមរាប ខេត្តសៀមរាប នាថ្ងៃទី៣០ ខែមករានេះ ប្រធានស្តីទីគណបក្សសង្គ្រោះជាតិ លោក កឹម សុខា អះអាងថា លោកបានប្រាប់ រដ្ឋមន្ត្រីការបទេសអាមេរិក លោក ចន ឃើរី ថាពលរដ្ឋខ្មែរបច្ចុប្បន្ននេះ បានយល់ដឹងពីលទ្ធិប្រជាធិបត្យេ មិនចាញ់ប្រជាជនភូមាទេ។
