អ្នកស្រាវជ្រាវព្រំដែនរបស់រដ្ឋាភិបាលថាបង្គោលព្រំដែនវៀតណាមភាគច្រើនបោះចូលដីកម្ពុជា
ក្រុមស្រាវជ្រាវកិច្ចការព្រំដែនរបស់ រដ្ឋាភិបាល នៅរាជបណ្ឌិត្យសភាកម្ពុជា អះអាងថា ខ្លួនបានរកឃើញថា បង្គោលព្រំដែនរវាងកម្ពុជាវៀតណាមដែលបោះរួចភាគច្រើន លោកថា បានបោះចូលខាងដីកម្ពុជាពី៣ទៅ៥ម៉ែត្រ។ប្រធានក្រុមស្រាវជ្រាវលោក សុខ ទូច មានប្រសាសន៍ឲ្យដឹងកាលពីថ្ងៃសៅរិ៍នេះថា ក្រុមការងារលោក បានចុះស្រាវជ្រាវរកឃើញបង្គោលព្រំដែនរវាងកម្ពុជាវៀតណាមដែលបោះហើយ មានចំនួនជិត១ពាន់បង្គោល ដែលភាគច្រើនបង្គោលទាំងនោះ លោកថាភាគីវៀតណាមបោះចូលទឹកដីកម្ពុជាពី៣ទៅ៥ម៉ែត្រពីបង្គោលចាស់ សម័យអាណានិគមបារាំង៖”យើង ឃើញបង្គោលធំសព្វថ្ងៃហ្នឹង ធម្មតា តាមអ្នកបច្ចេកទេស តាមយើងបានសួរ គេមិនបោះទៅលើបង្គោលចាស់ កាលណាយើងបោះលើបង្គោលចាស់ទៅវាបាត់ គេហៅថា ធាតុដើម បាត់ធាតុដើមវានាំឲ្យអ្នកនយោបាយ ចេះតែថា ចូលចេះ ចូលចុះ អញ្ចឹងទេ គម្លាតកន្លែងខ្លះទៅ៣ម៉ែត្រ កន្លែងខ្លះទៅ៥ម៉ែត្រ បាទភាគច្រើនចូលមកកម្ពុជា”។ប្រភពវីអូឌី(VOD)
