លោក សម រង្ស៊ី រំឭកគូប្រកួតឲ្យផ្ទេរអំណាចដោយសន្តិវិធីដូចភូមាបើចាញ់ឆ្នោត
មេដឹកនាំបក្សប្រឆាំងដែលកំពុងនិរទេសខ្លួននៅក្រៅប្រទេសបានផ្ញើសារនយាបាយរំឭកដៃគូប្រកួ តរបស់ខ្លួនថាកម្ពុជាគួរ អនុវត្តយន្តការផ្ទេអំណាចដោយសន្តិវិធីដូចប្រទេសភូមាបើខ្លួនចាញ់ឆ្នោត។ក្នុងកម្មវិធីតុមូលនៅវិទ្យុសំឡេងសហរដ្ឋអាមេរិកនាយប់ថ្ងៃទី៣ខែមករានេះប្រធានគណបក្ស សង្គ្រោះជាតិលោក សម រង្ស៊ី ជាវាគ្មិនបានលើកឡើងថាចរន្តប្រជាធិបតេយ្យនៅលើពិភពលោកកំពុងរីកចម្រើន លោកថាពិសេសការឈ្នះឆ្នោតរបស់គណបក្សប្រឆាំងនៅប្រទេសភូមានាពេលថ្មីៗនេះ។លោក សម រង្ស៊ី ឲ្យដឹងទៀតថាប្រទេសភូមាមានលក្ខណៈប្រហាក់ប្រហែលនិងកម្ពុជាដូចជាជំនឿសាស នានិងសន្ទុះនៃការជំរុញលទ្ធិប្រជាធិបតេយ្យជាដើម។ លោកថាពិសេសមេដឹកនាំនៃប្រទេសនោះទាំងបក្សប្រឆាំងទាំងបក្សកាន់អំណាច បានព្រមព្រៀងគ្នាមិនបង្កឲ្យមានជម្លោះផ្ទៃក្នុងទាំងមុនបោះឆ្នោតនិងក្រោ យបោះឆ្នោតរហូតមានការផ្ទេរអំណាចដោយសន្តិវិធីដូចពេលនេះ។
