លោកសម រង្ស៊ីនឹងមិនប៉ះពាល់ក្រុមយោធាពេលជាប់ឆ្នោត
លោកសម រង្ស៊ី មេដឹកនាំគណបក្សសង្គ្រោះជាតិបាន បង្ហើបឱ្យដឹងពីចេតនាក្នុងការមិនប៉ះពាល់លើផ្នែកកងកម្លាំងប្រដាប់ អាវុធទេនៅពេលដែលខ្លួនឈ្នះការបោះឆ្នោតជាតិក្នុងពេលខាងមុខ។ថ្លែងប្រាប់ក្រុមអ្នកគាំទ្រជាង៥០នាក់នៅតំបន់រដ្ឋធានីវ៉ាស៊ីនតោន កាលពីថ្ងៃព្រហស្បតិ៍សប្តាហ៍មុនលោកសម រង្ស៊ីបានបញ្ជាក់ថា នេះជាគំរូមួយដែលមានប្រើប្រាស់នៅក្នុងប្រទេសភូមា។«យើងមិនចាំបាច់ថាឥឡូវចង់ទៅគ្រប់គ្រងកងកម្លាំងប្រដាប់អាវុធ ទាំងអស់ខ្លួនឯងបើយើងចែកការគ្នាធ្វើទៅ។ យើងមិនយល់ទាស់ទេ មិនយល់ទាស់ឱ្យមានការបែងចែកការងារគ្នាតួនាទីគ្នាដូចនៅប្រទេស ភូមា»។
