នាយករដ្ឋមន្រ្តីការពារយន្តការយកប្រព័ន្ធសង្គមហ្វេសប៊ុកដោះស្រាយបញ្ហារបស់ពលរដ្ឋ
លោកនាយករដ្ឋមន្រ្តី ហ៊ុន សែន បានលើកឡើងថាការណែនាំឲ្យស្ថាប័នក្រោមឱវាទឲ្យប្រើប្រាស់ប្រព័ន្ធសង្គម ហ្វេសប៊ុកដើម្បីទទួលពាក្យបណ្តឹងពីប្រជាពលរដ្ឋ ជាយន្តការមួយ”លឿននិងប្រសិទ្ធភាព”និងថាដើម្បីចៀសវាងពលរដ្ឋទៅតវ៉ានៅតាម ស្ថាប័នជាតិធំៗនិងផ្ទះនាយករដ្ឋមន្រ្តី។កាលពីដើមសប្តាហ៍នេះ លោក ហ៊ុន សែន បានចេញសេចក្តីណែនាំដល់មន្ត្រីរបស់ខ្លួនឲ្យចាត់តាំងក្រុមការងារតាម ដានរបាយការណ៍ប្រចាំថ្ងៃនិងសំណូមពររបស់ប្រជាពលរដ្ឋនៅលើទំព័រ ហ្វេសប៊ុក ដោយលោកចាត់ទុកថានេះដើម្បីដោះស្រាយបញ្ហាជូនពលរដ្ឋទាន់ពេល វេលា។នៅក្នុងពិធីសម្ពោធសាកលវិទ្យាល័យសម្តេចហេងសំរិនត្បូងឃ្មុំ នៅព្រឹកថ្ងៃព្រហស្បតិ៍នេះ លោក ហ៊ុន សែន បានប្រតិកម្មនឹងអ្នកវិភាគមួយចំនួនដែលរិះគន់យន្តការនេះ។ លោកបានថ្លែងថាការប្រើប្រាស់ហ្វេសប៊ុកនេះមិនមែនមានន័យថា រដ្ឋាភិបាលបោះបង់ចោលប្រព័ន្ធដឹកនាំបច្ចុប្បន្ននោះ ដោយថាគ្រាន់តែលោកចង់ពន្លឿនយន្តការដោះស្រាយ
