មេដឹកនាំបក្សប្រឆាំងប្រកាសជំហរជាថ្មីកំណត់អាណត្តិនាយករដ្ឋមន្រ្តីត្រឹមតែពីរអាណត្តិ
លោក កឹម សុខា អនុប្រធានគណបក្សសង្រ្គោះជាតិ បានប្រកាសទៅកាន់អ្នកគាំទ្រជាថ្មីថាគណបក្សប្រឆាំងនឹងកំណត់អាណត្តិ មេដឹកនាំប្រទេសត្រឹមតែ២អាណត្តិតែប៉ុណ្ណោះ ដោយលោកចាត់ទុកការកំណត់នេះនឹងមិនឲ្យអ្នកដឹកនាំ”ដុះស្លែ”។ក្នុងពិធីសំណោះសំណាលជាមួយសកម្មជននិងប្រជាពលរដ្ឋនៅខេត្ដប ន្ទាយមានជ័យ កាលពីថ្ងៃទី១២ខែកុម្ភៈ លោក កឹម សុខា បានអះអាងថាគោលនយោបាយរបស់គណបក្សសង្រ្គោះជាតិគឺការកែប្រែរដ្ឋធម្មនុញ្ញ ក្នុងការកំណត់អាណត្តិមេដឹកនាំ។ អាណត្តិដឹកនាំប្រទេសនេះទំនងលោក កឹម សុខា សំដៅលើបុគ្គលធ្វើជានាយករដ្ឋមន្រ្តីអាចដឹកនាំប្រទេសបានតែពីរអាណត្តិ ប៉ុណ្ណោះ។លោកបានថ្លែងថា៖ “គោល នយោបាយរបស់គណបក្សសង្រ្គោះជាតិយើង គឺបាននិយាយគ្នាហើយថានៅពេលដែលយើងឈ្នះឆ្នោតដឹកនាំប្រទេស យើងនឹងកែរដ្ឋធម្មនុញ្ញឲ្យអ្នកដឹកនាំប្រទេសសំខាន់ៗ ដឹកនាំប្រទេសតែពីរអាណត្តិយ៉ាងយូរបានហើយ កុំឲ្យដុះស្លែ”។
