លោក ហ៊ុន សែន ប្រកាសថាលោកមិនខ្លាចស្លាប់ ទោះប្រឈមមុខនឹងបាតុករនៅអាមេរិក
លោកនាយករដ្ឋមន្រ្តី ហ៊ុន សែន កាលពីថ្ងៃចន្ទនេះអះអាងថាលោកហ៊ានចេញមុខជួបក្រុមបាតុករដែលត្រៀម ធ្វើបាតុកម្មប្រឆាំងរូបលោកនៅសហរដ្ឋអាមេរិក ហើយថាលោកមិនខ្លាចស្លាប់នោះទេ។លោក ហ៊ុន សែន កំពុងបំពេញទស្សនកិច្ចនៅទីក្រុងSunnylandsនៅRancho Mirageនៃរដ្ឋកាលីហ្វញ៉ា ដោយលោកនឹងចូលរួមក្នុងកិច្ចប្រជុំកំពូលអាមេរិក-អាស៊ាន។ក្នុងពេលសំណេះសំណាលជាមួយពលរដ្ឋខ្មែរប្រមាណ៥០០នាក់ លោក ហ៊ុន សែន បានថ្លែងរិះគន់ដល់គម្រោងធ្វើបាតុកម្មប្រឆាំងរូបលោក។ លោកបន្តថាប្រសិនបើបាតុកម្មមានមែន លោកនឹងចេញមុខតទល់នឹងក្រុមបាតុករ តែលោកបង្ហាញជំនឿចិត្តថាអាជ្ញាធរអាមេរិកនឹងការពារសុវត្ថិភាពរបស់ រូបលោក។
