លោក ហ៊ុន សែន ព្រមានបក្សប្រឆាំងកុំយកសមិទ្ធផលរដ្ឋាភិបាលមកកេងចំណេញនយោបាយ
លោកនាយករដ្ឋមន្រ្តី ហ៊ុន សែន កាលពីថ្ងៃចន្ទនេះ បានផ្ញើសារព្រមានកុំឲ្យគណបក្សប្រឆាំងយកសមិទ្ធផលដែលរដ្ឋាភិបាល សម្រេចបានទៅធ្វើជាការឃោសនាកេងចំណេញនយោបាយ។លោក ហ៊ុន សែន បានសរសេរបែបនេះនៅលើហ្វេសប៊ុករបស់លោក ជាការប្រតិកម្មទៅនឹងប្រធានស្តីទីគណបក្សសង្រ្គោះជាតិ លោក កឹម សុខា ដែលបានថ្លែងទៅកាន់អ្នកគាំទ្រក្នុងខេត្តកំពង់ស្ពឺកាលពីថ្ងៃទី២០ ខែកុម្ភៈ ថា ដោយសារគណបក្សសង្រ្គោះជាតិ ទើបរដ្ឋាភិបាលឈប់យកលុយផ្លូវជាតិលេខ៤ និងមានការដំឡើងប្រាក់ខែជូនមន្ត្រីរាជការលោក ហ៊ុន សែន បានបញ្ជាក់បន្ថែមថា៖ “ខ្ញុំសូមផ្ញើសារខ្លីនេះទៅកាន់មេបក្សប្រឆាំងព្រមទាំងក្រុម បក្សប្រឆាំងទាំងអស់ ត្រូវឈប់បោកប្រាស់ប្រជាពលរដ្ឋតទៅទៀត។ ព្រោះកន្លងទៅប៉ុន្មានអាទិត្យនេះ បក្សប្រឆាំងបានយកលទ្ធផលដែលគណបក្សប្រជាជននិងលទ្ធផលដែលនាយក រដ្ឋមន្រ្តីបានសម្រេចខាងលើ យកទៅធ្វើនយោបាយប្រជាភិថុតិឃោសនាបោកប្រជាពលរដ្ឋថាដោយសារពួកគេ ទាមទារ ទើបនាយករដ្ឋមន្រ្តីសម្រេចធ្វើបែបនេះ”។
