រដ្ឋមន្ត្រីក្រសួងដែនដីរំលឹកមន្ត្រីរបស់ខ្លួនឲ្យជួយទប់ស្កាត់អំពើពុករលួយក្នុងស្ថាប័នដែលលោកថាធ្វើប៉ះ​ពាល់​​​ដល់​ប្រសិ​ទ្ធិភាពកា​រងារក្នុង​​យុទ្ធសាស្ត្រធ្វើកំណែទម្រង់របស់រដ្ឋាភិបាល។ លោក អ៊ឹម ឈុនលឹម ក្នុងកិច្ចប្រជុំបូកសរុបការងារឆ្នាំចាស់និងយុទ្ធសាស្ត្រសម្រាប់ឆ្នាំថ្មីដែលធ្វើឡើង​នៅក្រសួងរៀប​ចំ​ដែនដី​នគ​រូបនីយកម្ម និងសំណង់កាលពីថ្ងៃទី១ខែមីនា រដ្ឋមន្ត្រីនៃក្រសួងនោះ​បានរំឭក​ឲ្យមន្ត្រីក្រោមឱវាទ ត្រូវប​​ន្តពង្រឹង​តាមដានវត្តមានមន្ត្រីនិងមានវិធានការចំពោះ​មន្ត្រីដែលលោ​កថា​មិនម​ក​ធ្វើ​ការនិ​ងមន្ត្រីអស​ម្ម ស្រប​តាមច្បាប់ស្តីពីសហលក្ខខន្តិកៈមន្ត្រីរាជការស៊ីវិល។ លោក អ៊ឹម ឈុនលឹម ឲ្យដឹងទៀតថាការពង្រឹងក្រមសីលធម៌វិជ្ជាជីវៈរបស់មន្ត្រី ការពង្រឹងជំហរស្មោះត្រង់លើជំនា​ញវិជ្ជាជីវៈ លោកថាដើម្បីទប់ស្កាត់មន្ត្រីខ្លះប្រើតួនាទីដើម្បីផលប្រយោជន៍ផ្ទាល់ខ្លួនអនុវត្តខុ​សឆ្គ​ងដដែ​លៗ ធ្វើឲ្យខូចប្រសិទ្ធិភាពការងារដល់ការជំរុញល្បឿនចេញលិខិតអនុញ្ញាតិឲ្យសាងសង់។