លោក ហ៊ុន ម៉ាណែត ៖ការចូលរួមកម្មវិធីចូលឆ្នាំខ្មែរនៅអាមេរិកមិនពាក់ព័ន្ធនឹងរឿងនយោបាយ
ហ៊ុន ម៉ាណែត កាលពីថ្ងៃអាទិត្យនេះ បានបកស្រាយថាការសម្រេចចិត្តចូលរួមកម្មវិធីចូលឆ្នាំខ្មែរនៅទីក្រុងឡុងប៊ិចដែលរៀបចំដោយពលរដ្ឋខ្មែរអាមេរិកកាំង មិនពាក់ព័ន្ធនឹងរឿងនយោបាយនោះទេ ដោយលោកស្នើឲ្យមានការអញ្ជើញតំណាងពីគណបក្សប្រឆាំងចូលរួមផងដែរ។លោក ហ៊ុន ម៉ាណែត ជាប្រធានក្រុមការងាររៀបចំអង្គការចាត់តាំងយុវជនក្រៅប្រទេសនិងជាមេបញ្ជាការរងកងទ័ពជើងគោក នឹងអញ្ជើញទៅសហរដ្ឋអាមេរិក ដើម្បីចូលរួមពិធីក្បួនដង្ហែបុណ្យចូលឆ្នាំប្រពៃណីខ្មែរ នៅទីក្រុងឡុងប៊ិច រដ្ឋកាលីហ្វញ៉ា នៅខែមេសាខាងមុខនេះ តាមការអញ្ជើញរបស់គណៈកម្មាធិការបុរីកម្ពុជា។ ការដង្ហែក្បួនចូលឆ្នាំខ្មែរ ដែលគ្រោងធ្វើឡើងនៅថ្ងៃទី១០ ខែមេសា មានគោលបំណងដើម្បីលើកស្ទួយវប្បធម៌និងប្រពៃណីខ្មែរ។ប្រភពVOD
