សភាផ្តល់រថយន្តម្នាក់១គ្រឿង និងទីប្រឹក្សា៩នាក់ដល់ប្រធានក្រុមមតិភាគច្រើន និងក្រុមភាគតិច
រដ្ឋសភាបានសម្រេចផ្ដល់ រថយន្តម្នាក់ចំនួន១គ្រឿង ទីប្រឹក្សា ជំនួយការចំនួន៩នាក់ និងកញ្ចប់ខ្ទង់ចំណាយថវិកា ដល់ប្រធានក្រុមមតិភាគច្រើន និងក្រុមមតិភាគតិច សម្រាប់អនុវត្តសកម្មភាពការងាររបស់ខ្លួន។នេះបើតាមសេចក្តីសម្រេចរបស់ ប្រធានរដ្ឋសភា សម្តេច ហេង សំរិន ចុះថ្ងៃទី១១មីនា។តាមរយៈសេចក្ដីសម្រេចនេះប្រធានក្រុមមតិភាគច្រើននិងក្រុម ភាគតិច ត្រូវមានខុទ្ទកាល័យមួយ សាលប្រជុំមួយ និងការិយាល័យផ្ទាល់មួយ។ ហើយភាគីទាំងពីរនឹងទទួលបានទីប្រឹក្សា និងជំនួយការចំនួន៩រូប ក្នុងនោះ ២រូប មានឋានៈស្មើរដ្ឋលេខាធិការ ៣រូបមានឋានៈស្មើអនុរដ្ឋលេខាធិការ ២រូបមានឋានៈស្មើអគ្គនាយក និង២រូបទៀត មានឋានៈស្មើនឹងប្រធាននាយកដ្ឋាន។
ចំណែកថវិការសម្រាប់គណបក្សនយោបាយនៅក្នុងរដ្ឋសភាទាំងពីរ ត្រូវមានកញ្ចប់ថវិកាដែលបែងចែកទៅតាមសមាមាត្រនៃចំនួនតំណាងរាស្ត្រនៃ គណបក្សនយោបាយនីមួយៗ។ ថវិកានេះ ក៏ត្រូវប្រើប្រាស់ក្នុងការផ្តល់ជាបៀវត្សជូនទីប្រឹក្សា និងជំនួយការ និងដំណើរការបំពេញតួនាទី និងភារកិច្ចរបស់តំណាងរាស្ត្រ ដែលមានចែងនៅក្នុងប្រការ៤៨ថ្មី(បី)នៃបទបញ្ជាផ្ទៃក្នុងនៃរដ្ឋសភា។ប្រភពថ្មីៗ
