លោក ឱម យ៉ិនទៀង បញ្ជាឱ្យមន្ត្រីកោសល្យវិច្ច័យសំឡេងខ្សែអាត់
អង្គភាពប្រឆាំងអំពើពុករលួយកាលពីថ្ងៃអង្គារ ទី២២មីនា បានបើកកិច្ចប្រជុំស្តីពីបណ្តឹងរបស់ក្រុមនិស្សិតមួយ ក្រុមដែលប្តឹងលោក កឹម សុខាទាក់ទងនឹងខ្សែអាត់សំឡេង ដែលគេសង្ស័យថាជាលោកកឹម សុខា សាសងជាមួយស្តី្រស្នេហ៍។ ទន្ទឹមនឹងនេះ លោកឱម យ៉ិនទៀង បានបញ្ជាឱ្យមន្ត្រីក្រោមឱវាទធ្វើការកោសល្យវិច្ច័យលើសំឡេងនោះ។ នៅទីបំផុតករណីខ្សែអាត់សំឡេង បានចូលដល់យន្តការផ្លូវច្បាប់របស់អង្គភាពប្រឆាំងអំពើពុករលួយហើយ ពេលនេះ។ លោក ឱម យ៉ិនទៀងប្រធានអង្គភាព បានបញ្ជាឱ្យមន្ត្រីក្រោមឱវាទផ្តើមធ្វើការងារកោសល្យវិច្ច័យ លើខ្សែអាត់សំឡេងដែលក្រុមយុវជនមួយក្រុម បានប្តឹងថា ជាសំឡេងរបស់លោក កឹម សុខា។ ការធ្វើកោសល្យវិច្ច័យនេះ នឹងចាប់ផ្តើមធ្វើការពិនិត្យចាប់ពេលនេះតទៅ ហើយនឹងប្រកាសលទ្ធផលនៅថ្ងៃព្រហស្បតិ៍ទី២៤មីនា។ ការធ្វើកោសល្យវិច្ច័យនេះ គឺអង្គភាពនឹងអាចប្រមូលយកសំឡេងរបស់លោកកឹម សុខា នៅគ្រប់ទីកន្លែង និងសំឡេងរបស់កញ្ញាខុម ចាន់តារាទីហៅស្រីមុំដែលផ្តល់បទសម្ភាសន៍ដល់ប្រព័ន្ធផ្សព្វផ្សាយយក មកផ្ទៀង។ប្រភព RFI
