ក្រុមយុវជនបន្តដាក់ញត្តិទៅរដ្ឋសភាស្នើឲ្យលោក កឹម សុខា បកស្រាយរឿងខ្សែអាត់សំឡេង
លោក ស្រី ចំរើន និងក្រុមយុវជនរបស់លោកជាង១០នាក់ផ្សេងទៀត បន្តនាំគ្នាដាក់ញត្តិទៅរដ្ឋសភា នៅថ្ងៃទី២៥ មិនា ដើម្បីស្នើឲ្យកោះហៅលោក កឹម សុខា ចេញមុខបកស្រាយរឿងខ្សែសំឡេងលេចធ្លាយ។ញតិ្តរបស់ក្រុមយុវជននេះ ស្នើឲ្យរដ្ឋសភា ចាត់ការលើខ្សែអាត់ ដែលគេអះអាងថា ជាសំឡេងរបស់ ប្រធានស្ដីទីគណបក្សសង្គ្រោះជាតិ លោក កឹម សុខា ពាក់ព័ន្ធនឹងការជំរុញឲ្យស្រីកំណាន់យកកូនចេញ។រដ្ឋសភាបានទទួលញត្តិរបស់ក្រុមយុវជននេះហើយ។ ពេលកន្លងទៅអគ្គលេខាធិការ និងជាអ្នកនាំពាក្យរដ្ឋសភា ធ្លាប់បានដាក់លិខិតស្នើឲ្យលោក កឹម សុខា មកឆ្លើយបំភ្លឺម្ដងរួចទៅ ប៉ុន្តែនៅមិនទាន់បានការឆ្លើយតបពីលោក កឹម សុខា នោះទេ។ប្រភពRFA
