សម រង្ស៊ី ហៅការវាយប្រហារគ្រាប់បែកថាជាអំពើភេរវកម្មរដ្ឋអំណាច
គណបក្សប្រឆាំងនឹងប្រារព្ធពិធីរំឭកខួប ១៩ ឆ្នាំនៃការវាយប្រហារដោយគ្រាប់បែកឆ្នាំ ១៩៩៧ នាថ្ងៃនេះដោយប្រធានគណបក្សលោក សម រង្ស៊ី បានហៅការវាយប្រហារនេះថាជាអំពើភេរវកម្មរដ្ឋអំណាច។នៅលើហ្វេសប៊ុករបស់លោកកាលពីម្សិលមិញលោក សម រង្ស៊ី បានបញ្ជាក់ថាលោកនឹងចូលរួមនៅក្នុងពិធីរំឭកខួប ១៩ ឆ្នាំនៃការវាយប្រហារដោយគ្រាប់បែកឆ្នាំ ១៩៩៧ ហើយបានហៅការវាយប្រហារនេះថាជា «អំពើភេរវកម្មរដ្ឋអំណាចគប់គ្រាប់បែកមកលើពលរដ្ឋស្លូតត្រង់មួយ ក្រុមដែលកំពុងតែឈរតវ៉ាដោយសន្តិវិធី» នៅមុខមន្ទីររដ្ឋសភាចាស់ រាជធានីភ្នំពេញកាលពីថ្ងៃទី ៣០ មីនា ឆ្នាំ ១៩៩៧។ ទោះយ៉ាងណាក្តីលោកមិនបានប្រាប់អំពីថាតើលោកនឹងចូលរួមពិធីនេះ យ៉ាងដូចម្តេចនោះទេប៉ុន្តែគណបក្សសង្គ្រោះជាតិបញ្ជាក់ថាលោក សម រង្ស៊ី នឹងចូលរួមពិធីនេះតាមរយៈវីដេអូខន់ហ្វើរិន។ប្រភពភ្នំពេញប៉ុស្ដិ៍
