តុលាការនាំខ្លួនលោក ស៊ុត ឌីណា មកសាកសួរនៅព្រឹកនេះ
ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង លោក ស៊ុត ឌីណា ត្រូវបានតុលាការនាំខ្លួនមកសាកសួរនៅព្រឹកថ្ងៃទី៧ មេសា នេះហើយ បន្ទាប់ពីអង្គភាពប្រឆាំងអំពើពុករលួយ ចោទប្រកាន់ពាក់ព័ន្ធនឹងអំពើពុករលួយ។នៅពេលនាំខ្លួនមកដល់សាលាដំបូងរាជធានីភ្នំពេញ នៅព្រឹកម៉ោង៩កន្លះនេះ លោក ស៊ុត ឌីណា បានស្រែកថា រឿងនេះ «អយុត្តិធម៌ណាស់ចំពោះរូបខ្ញុំ»។លោក ស៊ុត ឌីណា ត្រូវបានអង្គភាពប្រឆាំងអំពើពុករលួយ ឃាត់ខ្លួនកាលពីថ្ងៃទី៤ មេសា វេលាម៉ោង ៧យប់ ក្រោមបទចោទប្រកាន់ពាក់ព័ន្ធនឹងអំពើពុករលួយ។យ៉ាងណាក៏ដោយចុះ ក្រុមគ្រួសារលោក ស៊ុត ឌីណា នៅមិនទាន់ជឿថា លោក ស៊ុត ឌីណា ប្រព្រឹត្តអំពើពុករលួយដូចការចោទប្រកាន់នោះទេ ដោយពួកគាត់ស្នើសុំលោកនាយករដ្ឋមន្ត្រី ហ៊ុន សែន ឲ្យពិនិត្យមើលពីសំណុំរឿងនេះឡើងវិញ។ប្រភពVOD
