លោក សួន សេរីរដ្ឋា ស្នើបំភ្លឺរឿងវត្តមានទាហានវៀតណាម
លោក សួន សេរីរដ្ឋា ប្រធានគណបក្សអំណាចខ្មែរកាលពីម្សិលមិញបានផ្ញើលិខិតមួយច្បាប់ទៅ ក្រសួងមហាផ្ទៃសុំការបំភ្លឺពីវត្តមានទាហានវៀតណាមនៅវត្ត ត្រពាំងផ្លុង ក្នុងឃុំត្រពាំងផ្លុង ស្រុកពញាក្រែក និងវត្តព្រៃស្ពៃ ក្នុងឃុំគងជ័យ ស្រុកអូររាំងឪ ខេត្តត្បូងឃ្មុំ។លោក សួន សេរីរដ្ឋា ថ្លែងថា៖ «ខ្ញុំបានចុះទៅម្សិលមិញជួបអាចារ្យវត្ត និងព្រះសង្ឃគាត់មិនមែនមកដល់ម្សិលទេគឺមកជិតពីរខែហើយដោយសារ ខ្ញុំបានទទួលដំណឹងពីពលរដ្ឋពីអាចារ្យហើយខ្ញុំបានចុះទៅ»។លោកថាពេលទៅដល់លោកបានឃើញទាហានវៀតណាមដូចពលរដ្ឋរាយការណ៍មែន។ ប៉ុន្តែក្រុមរបស់លោកមិនបានសួរទាហានវៀតណាមនោះទេដោយសារគ្មានអ្នក ចេះវៀតណាម។«ខ្ញុំអត់ដឹងថាគេមកដើម្បីអីប៉ុន្តែពលរដ្ឋភ័យខ្លាច។ អាចារ្យវត្តគាត់ថាឃើញមកហើយទៅជួនកាលចេញទៅក្រៅបាត់ឃើញទាហាន ខ្មែរជូនទៅហើយមកវិញ។ ដូច្នេះខ្ញុំសុំឲ្យរដ្ឋមន្ត្រីក្រសួងមហាផ្ទៃបំភ្លឺដើម្បីកុំឲ្យ ពលរដ្ឋភ័យខ្លាច»។ប្រភពភ្នំពេញប៉ុស្ដិ៍
