លោក ឈាង វុន ថាអង្គភាពប្រឆាំងអំពើពុករលួយនិងតុលាការធ្វើការត្រឹមត្រូវតាមច្បាប់
សមាជិករដ្ឋសភាមកពីគណបក្សប្រជាជនកម្ពុជា ពុំសោកស្ដាយចំពោះការចាប់ឃុំខ្លួនមន្ត្រីសិទ្ធិមនុស្សឡើយ ដោយចោទថា អ្នកទាំងនោះជាអ្នកការពារបក្សប្រឆាំង និងជាអ្នករៀបចំឲ្យមានបដិវត្តពណ៌។ ការលើកឡើងនេះ នៅបន្ទាប់ពីមន្ត្រីអាដហុក ៤រូប និងមន្ត្រី គ.ជ.ប ១រូប ត្រូវបានសាលាដំបូងរាជធានីភ្នំពេញ ឃុំខ្លួននៅពន្ធនាគារ។ រីឯអ្នកតាមដានស្ថានការណ៍សង្គម លើកឡើងថា ការដែលចោទប្រកាន់ខ្វះមូលដ្ឋាននេះ នាំឲ្យមានគ្រោះថ្នាក់ដល់ជាតិ។សមាជិករដ្ឋសភាមកពីគណបក្សប្រជាជនកម្ពុជា លោក ឈាង វុន ថ្លែងការពារស្ថាប័នតុលាការ និងអង្គភាពប្រឆាំងអំពើពុករលួយ ថាធ្វើការត្រឹមត្រូវតាមច្បាប់ពាក់ព័ន្ធនឹងការចាប់ឃុំខ្លួន មន្ត្រីសិទ្ធិមនុស្សអាដហុក និងមន្ត្រី គ.ជ.ប។ការលើកឡើងនេះ បន្ទាប់ពីកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នៅព្រឹកថ្ងៃទី៤ ខែឧសភា ដើម្បីពិនិត្យលើសំណើជ្រើសតាំងសមាជិកព្រឹទ្ធសភា ជំនួសសម្ដេចរាជបុត្រីព្រះរៀម នរោត្តម បុប្ផាទេវី ដែលបានសុំលាលែង និងពិនិត្យលើសំណើសុំអនុម័តសេចក្តីព្រាងច្បាប់ស្ដីពីការអនុម័ត យល់ព្រមលើកិច្ចព្រមព្រៀងពាណិជ្ជកម្មរវាងកម្ពុជា និងប្រទេសហុងគ្រី ព្រមទាំងពិនិត្យលើសំណើសុំអនុម័តនូវសេចក្តីព្រាងច្បាប់ស្ដីពី យុត្តិធម៌អនីតិជន៖ «សង្គមស៊ីវិលតាំងតែពីដើម មកប៉ុន្មាននាក់ដែលជាប់ហ្នឹង សុទ្ធតែមួយ។ ប្រភពRFA
http://www.rfa.org/khmer/news/law/CPP-MPs-have-no-regret-over-the-arrest-of-human-rights-defenders-05042016081417.html
