លោក​នាយករដ្ឋមន្រ្តី ហ៊ុន សែន បន្តរម្លឹកពីការឈឺចាប់គ្រួសាររបស់លោក នៅពេលដែល​គេចោទកូនប្រុសច្បាប់របស់លោក គឺលោក ហ៊ុន ម៉ាណែត ថា មិនមែនជាកូនបង្កើត​​របស់លោក​នោះទេ។ ប្រមុខបក្សកាន់អំណាច បានប្រកាសថា អ្នកដែលចោទប្រកាន់បែបនេះ គឺជាក្រុមគណបក្សប្រឆាំង ដែលមានចេតនា​មិនចង់​ឲ្យគ្រួសារ​របស់លោក បានសេចក្តី​សុខ។និយាយដល់ចំណុចនេះ លោក ហ៊ុន សែន បានថ្លែងខ្លាំងៗថា «គណបក្សប្រឆាំងមិនឲ្យលោកបានសុខ លោកក៏ឲ្យគណបក្ស​ប្រឆាំងបានសុខនោះដែរ»។ ក្នុងពិធីចែកសញ្ញាបត្រដល់​និស្សិតសកល​វិទ្យាល័យIIC ប្រមុខរដ្ឋាភិបាល បានអះអាងថា សម្តេចនឹង​«កំដរគណបក្ស​ប្រឆាំង​លេង​ដល់​ទីបញ្ចប់»។ សម្រាប់ លោក ហ៊ុន សែន ការចោទប្រកាន់ថា លោក ហ៊ុន ម៉ាណែត ជាកូនមេដឹកនាំវៀតណាម​ម្នាក់​មិនមែនជាកូនរបស់លោកនោះ ជាការប្រមាថមក​លើ​ក្រុមគ្រួសារលោកដែល​មិនអាចអត់ឱនឲ្យបាន​នោះទេ។

http://www.thmeythmey.com/?page=detail&ctype=article&id=39731&lg=kh