លោក ទៀ បាញ់ ថា មនុស្សអមិត្តព្យាយាមបំបែកបំបាក់ទំនាក់ទំនងកម្ពុជា-វៀតណាម
រដ្ឋមន្ត្រីក្រសួងការពារជាតិ លោក ទៀ បាញ់ បានបញ្ជាក់ថា ភាពទំនាក់ទំនងស្អិតល្មួតរវាងកម្ពុជា និង វៀតណាម បានធ្វើឲ្យមនុស្សមួយចំនួនមិនសប្បាយចិត្តឡើយ។ លោក ទៀ បាញ់ អះអាងថា មនុស្សអមិត្តដែលមិនពេញចិត្តនិងការដឹកនាំរបស់រដ្ឋាភិបាល តែងតែព្យាយាមដើរប្រើប្រាស់ពាក្យញុះញង់បំបែកបំបាក់ទំនាក់ទំនងកម្ពុជា-វៀតណាម ដើម្បីបំពេញនូវគោលបំណងអ្វីមួយរបស់ពួកគេ។ថ្លែងក្នុងពិធីសម្ពោធដាក់ឲ្យប្រើប្រាស់អគារសាលប្រជុំថ្មីរបស់សកលវិទ្យាល័យការពារជាតិ ដែលជាជំនួយរបស់ប្រទេសវៀតណាម កាលពីព្រឹកថ្ងៃទី១៩ ខែឧសភា រដ្ឋមន្ត្រីក្រសួងការពារជាតិរូបនេះ បានបញ្ជាក់ដូច្នេះថា៖ «ពួកអមិត្ត ដែលខ្លាចណាស់ ខ្លាចជាទីបំផុត! ខ្លាចថា ចំណងមិត្តភាពកម្ពុជា-វៀតណាម ដ៏ស្អិត ល្មួតនេះ គេមិនអាចបំពេញមហិច្ឆតារបស់គេបាននោះទេ។ […] បើសិនសាមគ្គីភាព មិត្តភាព កិច្ចសហប្រតិបត្តិការ ដ៏ល្អ ស្អិតល្មួតរបៀប នេះ គឺជាឧបស័គ្គដ៏ធំណាស់សម្រាប់ពួកគេ»។ប្រភពថ្មីៗ
http://www.thmeythmey.com/?page=detail&ctype=article&id=40045&lg=kh
