លោក ឈាង វុន ថាចំណាត់ការរបស់សមត្ថកិច្ចអាចដើម្បីនាំខ្លួនលោក កឹម សុខា ទៅតុលាការ
មន្ត្រីជាន់ខ្ពស់គណបក្សប្រជាជនកម្ពុជា លោក ឈាង វុន យល់ថា ចំណាត់ការរបស់សមត្ថកិច្ចលើក្បួនរថយន្តរបស់លោក កឹម សុខា និងចុះទៅទីស្នាក់ការគណបក្សសង្គ្រោះជាតិ នោះ គឺដើម្បីនាំខ្លួនលោក កឹម សុខា ទៅតុលាការ ព្រោះលោក កឹម សុខា មិនបានចូលខ្លួនបំភ្លឺក្នុងនាមជាសាក្សីតាមការកោះហៅរបស់ តុលាការ។ប៉ុន្តែមន្ត្រីជាន់ខ្ពស់គណបក្សសង្គ្រោះជាតិ លោក យឹម សុវណ្ណ យល់ថា ការនាំខ្លួន គឺស្មើនឹងការចាប់ខ្លួន ឬឃាត់ខ្លួន ដែលសកម្មភាពនេះជាការរំលោភលើរដ្ឋធម្មនុញ្ញមាត្រា៨០ ខណៈលោក កឹម សុខា កំពុងមានអភ័យឯកសិទ្ធិ។តំណាងរាស្ត្រ និងជាមន្ត្រីជាន់ខ្ពស់នៃគណបក្សប្រជាជនកម្ពុជា លោក ឈាង វុន យល់ថា គឺលោក កឹម សុខា ជាអ្នករុញឲ្យមានស្ថានការណ៍ធ្លាក់ទៅបែបនេះ ខណៈតុលាការកោះហៅលោកធ្វើជាសាក្សីជាច្រើនដង ប៉ុន្តែលោក កឹម សុខា មិនបានចូលខ្លួនបំភ្លឺតាមដីកា។ លោក ឈាង វុន បន្តថា លោក កឹម សុខា កំពុងធ្វើឲ្យមានករណីនេះក្លាយជាបទល្មើសជាក់ស្តែងហើយ៖ «ឯកឧត្តម កឹម សុខា គាត់បង្កការលំបាកឲ្យខ្លួនគាត់ បើតាមខ្ញុំដឹង គាត់អញ្ជើញទៅជាសាក្សីទេ ហើយនៅក្នុងការងារដំបូងរបស់តុលាការគាត់ត្រូវឆ្លើយ»។ប្រភពRFA
http://www.rfa.org/khmer/news/politics/CPP-PM-says-authorities-attampt-to-bring-Kem-Sokha-to-provide-testimony-at-the-court-05262016092718.html
