មន្ត្រីជាន់ខ្ពស់CNRP បដិសេធព័ត៌មានមួយថាលោក កឹម សុខា យល់ព្រមប្រគល់ខ្លួនឱ្យសមត្ថកិច្ច
មន្ដ្រីជាន់ខ្ពស់ម្នាក់របស់គណបក្សសង្គ្រោះជាតិ បានអះអាងថាលោក កឹម សុខា នឹងមិនប្រគល់ខ្លួនឱ្យសមត្ថកិច្ច នោះទេ ដែលជាការឆ្លើយតប ចំពោះសារព័ត៌មានក្នុងស្រុកមួយ បានចុះផ្សាយមុននេះបន្ថិចថា ប្រធានស្ដីទីគណបក្សសង្គ្រោះជាតិរូបនេះ យល់ព្រមប្រគល់ខ្លួនអោយសមត្ថកិច្ច ។លោក ប៉ុល ហំម ប្រធានគណៈកម្មាការនាយកនៃគណបក្សសង្គ្រោះជាតិ បានប្រាប់វិទ្យុស្ដ្រី FM102 ថាលោកមិនបានដឹងថា លោក កឹម សុខា នៅទីណាទេ ហើយក៏មិនបានដឹងថា ប្រធានស្ដីទីគណបក្សសង្គ្រោះជាតិរូបនេះ យល់ព្រម ប្រគល់ខ្លួនឱ្យសមត្ថកិច្ចនោះដែរ ។សារព័ត៌មាន ក្នុងស្រុកមួយបានចុះផ្សាយថា លោក ប៉ុល ហំម នឹងបន្តដឹកនាំគណបក្សសង្គ្រោះជាតិបន្ទាប់ពីលោក កឹម សុខា បានប្រគល់ឱ្យសមត្ថកិច្ច ប៉ុន្តែ លោក ប៉ុល ហំម ថា មិនពិតទេ ។ទោះជាយ៉ាងណា មិនទាន់ឃើញមានប្រភពឯករាជ្យណាមួយ បញ្ជាក់បន្ថែមលើប្រភពនេះទេ ។ប្រភពវិទ្យុស្ដ្រី FM102
http://wmc.org.kh/blog/archives/19006
