មិនទាន់ចាប់ខ្លួនឯកឧត្តម កឹម សុខា ដោយសារមានសេណារីយ៉ូថ្មី?
សភាបានបើកផ្លូវ ឲ្យអាជ្ញាធរ និងតុលាការបន្តនីតិវិធីលើឯកឧត្តម កឹម សុខា ដែលជាប់ចោទពីបទ «បដិសេធក្នុងការចូលខ្លួន» ក្នុងនាមជាសាក្សីលើសំណុំរឿងផ្លូវភេទមួយ ប៉ុន្តែរហូតមកពេល ប្រធានស្តីទីគណបក្សសង្គ្រោះជាតិ មិនទាន់ត្រូវបានចាប់ខ្លួននោះឡើយ។ តើមានសេរីណារីយ៉ូអ្វីមួយជុំវិញសំណុំរឿងនេះ ដែរឬទេ? អ្នកវិភាគគិតថា វាជារឿងដែលអាចទៅរួច។ ជាមួយគ្នានេះ អ្នកវិភាគស្នើដល់អ្នកនយោបាយជៀសឲ្យផុតពីការប្រឹងយកឈ្នះចាញ់ ដែលនាំឲ្យខាតបង់ប្រយោជន៍ជាតិ។សាស្ត្រាចារ្យ វិទ្យាសាស្ត្រនយោបាយ និងជាអ្នកវិភាគនយោបាយ លោក រស់ រ៉ាវុធ ដែលបានតាមដានរឿងរ៉ាវនយោបាយចុងក្រោយនេះ ជឿជាក់ថា សមត្ថកិច្ចអាចចាប់ខ្លួនប្រធានស្តីទីគណបក្សសង្គ្រោះជាតិបានគ្រប់ពេល បន្ទាប់ពីទទួលបានភ្លើងខៀវពីសភាជាតិ។ថ្លែងប្រាប់សារព័ត៌មានថ្មីៗ អ្នកវិភាគនយោបាយរូបនេះ បានបញ្ជាក់យ៉ាងដូច្នេះថា៖«អាជ្ញាធរអាចពន្យាពេលមិនទាន់ចាប់ខ្លួន លោក កឹម សុខា ទេ ដោយសារតែមានចលនាតវ៉ាច្រើន។ រលកប្រតិកម្មខ្លាំងពីស្ថានទូតនៅកម្ពុជា អាចប៉ះពាល់មុខមាត់កម្ពុជាលើឆាកអន្តរជាតិ ជាពិសេសភាពជាដៃគូជាមួយសហភាពអឺរ៉ុប។ បញ្ហានេះ អាចឲ្យអ្នកនយោបាយវិលចូលតុចរចាវិញ»។ប្រភពថ្មីៗ
http://www.thmeythmey.com/?page=detail&ctype=article&id=40502&lg=kh
