រដ្ឋសភានឹងបើកកិច្ចប្រជុំលើកសំណើបក្សប្រឆាំងស្នើកោះហៅរដ្ឋមន្ត្រីក្រសួងយុត្តិធម៌ចូលបំភ្លឺ
គណៈកម្មការអចិន្ត្រៃយ៍នៃរដ្ឋសភា នឹងលើកយករបៀបវារៈរបស់អ្នកតំណាងរាស្ត្រគណបក្សសង្គ្រោះជាតិ ដែលស្នើឲ្យរដ្ឋសភា កោះហៅរដ្ឋមន្ត្រីក្រសួងយុត្តិធម៌ ឆ្លើយបំភ្លឺជុំវិញរឿងការអនុវត្តរបស់តុលាការមានភាពមិនប្រក្រតី ទៅពិភាក្សានៅព្រឹកថ្ងៃច័ន្ទ ទី៦ មិថុនា។ដំណើរការរៀបចំឲ្យមានរដ្ឋមន្ត្រីក្រសួងយុត្តិធម៌ ចូលខ្លួនបំភ្លឺតាមការស្នើសុំរបស់បក្សប្រឆាំងនេះ គឺរដ្ឋសភា បានបន្តធ្វើក្នុងអំឡុងពេលតំណាងរាស្ត្រគណបក្សសង្គ្រោះជាតិ ប្រកាសផ្អាកមិនចូលបំពេញកិច្ចការមួយរយៈក្នុងពេលមានភាពតានតឹង ផ្នែកនយោបាយ។តំណាងរាស្ត្រគណបក្សប្រឆាំង នឹងមិនចូលទៅចោទសួររដ្ឋមន្ត្រីក្រសួងយុត្តិធម៌ នៅរដ្ឋសភាតាមសំណើរបស់ខ្លួននោះទេ។ប្រធានក្រុមតំណាងរាស្ត្រគណបក្សសង្គ្រោះជាតិ លោក សុន ឆ័យ មានប្រសាសន៍ថា កាលពីថ្ងៃសុក្រ ទី៣ មិថុនា លោកបានដាក់លិខិតមួយជម្រាបជូនទៅប្រធានរដ្ឋសភា រួចហើយថា លោកសុំពន្យារពេលចោទសួររដ្ឋមន្ត្រីក្រសួងយុត្តិធម៌ ដោយមូលហេតុលោកមិនអាចទៅបំពេញការងារពេញលេញនៅរដ្ឋសភាបាន។ប្រភពRFA
http://www.rfa.org/khmer/news/politics/Commission-permanent-Assembly-will-hold-meeting-on-the-proposal-of-the-CNRP-Law-makers-06052016091931.html
