លោក ឈាន វុន ថា តំណាងរាស្ត្រ ត្រូវការពារខ្លួនឯង រដ្ឋសភាមិនអាចជួយបានទេ
បើទោះបីជាមាន អភ័យឯកសិទ្ធិក៏ពិតមែន តែរដ្ឋសភា មិនអាចការពារតំណាងរាស្ត្ររូបណា ដែលល្មើសច្បាប់ បាននោះទេ។ នេះជាការអះអាងរបស់លោក ឈាន វុន អ្នកនាំពាក្យរដ្ឋសភាពីបក្សកាន់អំណាច ដែលឆ្លើយតបទៅនឹងសំណើរបស់បក្សប្រឆាំង ដែលស្នើឲ្យស្ថាប័ននីតិបញ្ញត្តិ ជួយការពារអភ័យឯកសិទ្ធិរបស់ខ្លួន បន្ទាប់ពីរងការចោទប្រកាន់របស់តុលាការកន្លងមក។អ្នកនាំពាក្យ រដ្ឋសភាពីបក្សកាន់អំណាច លោក ឈាន វុន បានលើកឡើងថា តំណាងរាស្ត្រមិនអាចប្រើប្រាស់អភ័យឯកសិទ្ធិរបស់ខ្លួន ដើម្បីរំលោភច្បាប់ និងសិទ្ធិរបស់អ្នកដទៃជាដាច់ខាត។ លោក អះអាងថា អភ័យឯកសិទ្ធិ មិនអាចការពារតំណាងរាស្ត្ររូបណា ដែលដើរហួសពីរង្វង់នៃច្បាប់នោះទេ។
លោក ឈាន វុន បន្ថែមទៀតថា គ្មានបុគ្គលណាម្នាក់ អាចការពារអភ័យឯកសិទ្ធិ បានឡើយ ក្រៅពីតំណាងរាស្ត្រខ្លួនឯង។ អ្នកនាំពាក្យរូបនេះ បន្តថា អភ័ឯកសិទ្ធិ អាចការពារតំណាងរាស្ត្របាន លុះត្រាតែតំណាងរាស្ត្ររូបនោះ មិនប្រព្រឹត្តនូវទង្វើណាមួយ ដែលប្រាសចាកពីក្របខណ្ឌច្បាប់តែប៉ុណ្ណោះ។ប្រភពថ្មីៗ
http://www.thmeythmey.com/?page=detail&ctype=article&id=40695&lg=kh
